I. KAPITULUA: ABONATUEN ESKUBIDEAK
· 1. ARTIKULUA.- ABONATUEN BOKAL ORDEZKARIA AUKERATZEA
1. Udalerrian erroldatutako abonatu guztiek dute abonatuen Artezkaritza Batzordean bokala aukeratzeko eta beraiek bokal aukeratuak izateko eskubidea.
2. - Artezkaritza Batzordeko bokal izango den abonatu hau aukeratzeko, Artezkaritza Batzordea eratu eta HIRU HILABETEKO epea egongo da, eta aukeratzen denetik Artezkaritza Batzorde berria eratu arte izango da bokal; hau da, 4 urtez edo aurreko tokiko abonatuak dimititu arte. Hori guztia estatutuetan ezarritakoaren arabera.
3. - Abonatuak baldintza hauek bete behar ditu aukeratu dezan eta aukeratua izan dadin:
- a) 18 urte baino gehiago izan.
- b) Gutxienez HIRU HILABETEKO antzinatasuna izan abonatu bezala.
- c) Toki Erakundeen ordezkarientzako Tokiko Erregimenaren Legean ezarritako ezintasunik eta bateraezinik ez eduki.
- d) Arau-hauste larriagatik zehatuta ez egon.
- e) Abonatuen kuota guztiak ordainduta izan.
4. - Artezkaritza Batzordeak ezarriko ditu abonatu-bokala aukeratzeko hauteskundeetako irizpideak. Era berean, Artezkaritza Batzordeak ezarriko ditu abonatuak eta erabiltzaileak, oro har, informatzeko eta parte hartzeko irizpideak.
· 2. ARTIKULUA.- ABONATUEN BESTE ESKUBIDE ETA BETEBEHARRAK
1. - “Derioko Udal Kiroldegia” autonomiadun erakundeko abonatua izango da hala izena emanda egon eta kuotak ordaintzen dituen oro. Horrelakoei txartel bat emango zaie eta urtero berrituko da txartel hori. Erakunde Autonomiaduna ez da abonatuei egindako lapurreten eta narriaduren erantzule egiten.
2. - Abonatu txartelarekin Erakunde Autonomiaduneko instalazioetara doan sartu ahal izango da eta dagoen Zerga Ordenantzak finkatutako zenbatekoak ordaindu beharko dira, instalazio batzuk erabiltzeko eta jarduera batzuk garatzeko (zerbitzuak, ikastaroak, kirol eskolak, etab.)
3. - Erakunde Autonomiadunean abonu mota hauek daude:
- a) Familiarra
- b) Banakoa
- c) Erretiratua
- d) Pentsionista
4. - Abonu familiarrean ezkontideez gain bikotearen 18 urtez azpiko seme-alabak sartu daitezke.
5. - Banako abonatuei eta familiarrei Derion erroldatuta ez badaude, dagozkien kuotak eskatuko zaizkie, udalerriko abonatuenak baino garestiagoak eta Zerga Ordenantzak uneoro ezarritako zenbatekoaren araberakoak. Abonatuen txartelak pertsonalak eta besterenezinak izango dira.
6. - Erakunde Autonomiaduneko abonatuek instalazioen erreserbak egin ditzakete hilabete osorako, baldintza hauei jarraituaz:
- a) Abonatuek baino ezingo dituzte egin hileko alokairuak.
- b) Izena emateko epea alokatu nahi den aurreko hilabeteko 2. hamabostaldiko lehenengo lanegunean irekiko da bulego orduetan.
- c) Interesatuak berak edo hirugarren batek eman dezake izena, interesaturen baten abonatu txartela aurkeztuta. Izenematea hurrengo hilean astean ordubeterako izango da. Izenemate hori eginda, alokairuari dagokion kuota ordainduko da eta erabiltzerakoan ordaindu beharko dira argiak.
- d) Ordua aukeratzeko, izena ematerakoan erabilitako ordena errespetatuko da. Ordua aukeratzeko modurik izan ez dutenekin itxaron zerrenda osatuko da, eta hurrengo hilabeterako balioko du soilik. Izena emateko zerrenda eta itxaron zerrenda egun berean egingo dira, baita ordua aukeratu ere.
- e) Libre geratzen diren orduak libre alokatu ahal izango dira eta horretarako ez da abonatua izan beharrik egongo.
7.- Abonatuek kexatzeko/iradokitzeko eskubidea izango dute Erakunde Autonomiaduneko zerbitzuei eta instalazioei buruz, eta horretarako postontzi bat egongo da.
8.- Instalazioetarako ezarritako erabilera-arauen arabera arautuko dira abonatuak, eta egindako arau-hauste mota bakoitzerako ezarritako zehapenen mende egongo dira, arau-hauste bezala hartuta badago dena delako jarduera edo jokaera.
II. KAPITULUA: ERABILTZAILEAK
· 3. ARTIKULUA.- ERABILTZAILEEN ESKUBIDE ETA BETEBEHARRAK
1.- Erabiltzailea dela esango da, abonatua izan gabe Erakunde Autonomiaduneko instalazioetan sartzen den oro.
2.- Instalazio guztiak erabiltzeko eskubidea dute, zenbateko publikoak ordaindu ondoren. Erakunde Autonomiaduna ez da erabiltzaileei egindako lapurreten eta narriaduren erantzule egiten.
2.- Instalazio guztiak erabiltzeko eskubidea dute, zenbateko publikoak ordaindu ondoren. Erakunde Autonomiaduna ez da erabiltzaileei egindako lapurreten eta narriaduren erantzule egiten.
2.- Instalazio guztiak erabiltzeko eskubidea dute, zenbateko publikoak ordaindu ondoren. Erakunde Autonomiaduna ez da erabiltzaileei egindako lapurreten eta narriaduren erantzule egiten.
3.- Sartzeko eta instalazioak erabiltzeko kuota guztiak dagokion Zerga Ordenantzak ezarriko ditu, urtebeteko indarraldia izango dute (urtarriletik abendura) eta adin txikikoentzat eta adinez nagusientzat zenbateko desberdina egongo da.
4.- Instalazioak erabiltzeko kuotak abonatuentzat ezarritako berdinak izango dira.
5.- Erabiltzaileek instalazioak erreserbatu nahi badituzte, erabili nahi den aurreko hilabeteko 2. hamabostaldiko bigarren lanegunean egin beharko dute erreserba.
6.- Instalazioetako erabilera-arauen arabera arautuko dira erabiltzaileak eta egindako arau-hauste mota bakoitzerako ezarritako zehapenen mende egongo dira, arau-hauste bezala hartuta badago dena delako jarduera edo jokaera.
III. KAPITULUA: INSTALAZIO, ZERBITZU ETA FUNTZIONAMENDU ARAUAK
· 4. ARTIKULUA.- ESKOLAKO HEZIKETA FISIKOA
1.- Erakunde Autonomiaduneko kirol instalazioak eta bertako ekipamenduak Derioko udal ikastetxeetako heziketa fisikorako erabili ahal izango dira, ahal den neurrian.
2.- Horretarako izendatutako eskola ordutegian, nahiz igerilekuan nahiz beste instalazioetan mugatu egingo dira espazioak, bai heziketa fisikorakoak bai ikasleei igerian erakustekoak.
3.- Ikastetxeek Erakunde Autonomiaduneko instalazioak erabiltzeko ordutegiak eta sarrera.Erakunde Autonomiaduneko gerenteak eta ikastetxeetako zuzendariek elkarrekin programatuko dituzte.
4.- Ikastetxeetatik etorriko dira heziketa fisikoa emateko irakasle espezializatuak.
5.- Udalerriko ikastetxeek instalazioak erabiltzeko irizpideak eta baldintzak ikasturte bakoitza hasi aurretik jakinaraziko dira.
6.- Erakunde Autonomiaduneko instalazioak erabiltzera datorren taldea bere tutorearekin edo irakaslearekin etorriko da eta hori izango da taldearen jokaeren erantzulea.
7.- Eskoletako talde guztiak erabiliko dituzten instalazioetako arauen mende egongo dira.
· 5. ARTIKULUA.- IKASTAROAK ETA KIROL ESKOLAK
1.- “Derioko Udal Kiroldegia” erakunde autonomiadunak ikastaroak eta kirol eskolak antolatuko ditu abonatuek eta erabiltzaileek eskatutako kirol haietan guztietan, betiere zerbitzuko kirol azpiegituran sartu badaitezke.
2.- Kirol ikastaroen iraupena, aurrezarritako helburuen programazioaren araberakoa izango da.
3.- Ezarriko diren mota desberdinetako kirol eskolak denbora zikloen arabera ezarritako programazioaren arabera egingo dira eta ikasleen adinaren eta kirol mailaren arabera.
4.- Ikastaroetan eta kirol eskoletan izena emandako ikasle orok txartel bat izango du eta txartel horretan agertuko dira bere kirola, taldea, erabiltzen duen instalazioa, eguna eta ordua. Txartel hori aurkeztu beharko du, izena emanda dagoen ikastaroan edo kirol eskolan sartzeko.
5.- Dagozkien kuotak hilero ordainduko dituzte horretarako adierazitako datetan. Dagozkien kuotak ordaindu gabe badituzte, aipaturiko ikastaroan edo kirol eskolan baja emango zaie.
6.- Ikastaro eta kirol eskola bakoitzak irakasle bat izango du eta hori izango da funtzionamenduaren arduraduna.
7.- Ikastaro eta kirol eskoletan dabiltzan abonatuak eta erabiltzaileak instalazioak erabiltzeko arauen mende egongo dira eta dagozkien zehapenen mende ere bai, arauak betetzen ez badituzte. Ikastaro eta kirol eskoletan izena emateko lehentasuna ezarriko da, irizpide hauen arabera:
· 6. ARTIKULUA.- FEDERATUTAKO KIROL TALDEAK
1.- Derioko udalerrian federatutako kirol taldeek, dena delako kirol motan federatutakoek, dagozkien ekipamenduak erabiltzeko aukera izango dute eta udalerriaz kanpokoekiko lehentasuna ere bai, entrenamendu, lehiaketa eta erakusketetan Erakunde Autonomiadunaren instalazioak erabiltzeko. Erakunde Autonomiadunaren gerentziaren kontrolpean egongo dira eta erabiltzeko ordutegien arabera erabiliko dituzte instalazioak.
2.- Instalazio jakin bakoitzeko zerbitzuen Araudian mugatuko dira lagatzeko orduak.
3.- Instalazioak erabiltzeko zenbatekoak dagokien zerga ordenantzan ezarriko dira eta denboraldi baterako iraupena izango dute.
4.- Era berean, eta ordain legez, Erakunde Autonomiadunak taldeei instalazioetan jarduera batzuk doan egiteko eska dakieke, instalazioetako gerentziak interesgarritzat joz gero.
5.- Derioko talde federatuak Erakunde Autonomiaduneko kirol instalazioen erabilera arauen mende geratuko dira eta irregulartasunak egonez gero, balizko zehapenen mende ere bai.
· 7. ARTIKULUA.- KIROL INSTALAZIOAK ERABILTZEKO ARAU OROKORRAK
1.- Galarazita dago:
- a) Kirol instalazio guztien barruan erretzea.
- b) Kirola egiteko eremuetan eta eranskinetan janaria eta edaria, latak, beirazko ontziak, etab. sartzea.
- c) Instalazioetan edozein motatako animaliak sartzea.
- d) Soilik beste sexuarentzat diren espazioetan sartzea.
- e) Jolasean eta kirolean aritzea, horretarako ez diren eremuetan.
- f) Instalazioak, kirol materiala eta erabiltzaileen gauzak zikintzea, listua botatzea, lapurtzea eta narriatzea.
- g) Pasilloetan korrika ibiltzea, instalazioetako funtzionamendu ona asaldatzea oihuekin, abestiekin, beste erabiltzaileei oztopoak jarrita, borrokekin, indarkeria fisikoa edo hitzezkoa erabilita, etab.
2.- Derrigorrezkoa da:
- a) Instalazioak erabiltzeko kirol arropa ez erabiltzea.
- b) Aldageletan eta dutxetan txankletak ez erabiltzea.
- c) Erakunde Autonomiaduneko erantzuleek zerbitzuen eta instalazioen erabilera egokirako ezarritako adierazpenak ez artatzea.
3.- Arau hauek eta zerbitzu eta instalazio bakoitzeko berariazkoak betetzen ez badira, zehatu egin daitezke IV. Kapituluko prozeduraren arabera.
· 8. ARTIKULUA.- GIMNASIOA. ERABILTZEKO BERARIAZKO ARAUAK
1.- Gimnasioa jendearentzat irekita egongo da, oro har, zerbitzu orduetan. Gimnasioa erabilera anitzeko aretoa da eta Erakunde Autonomiadunak antolatutako ikastaroetarako erabiliko da, batez ere, astelehenetik ostiralera, biak barne. Asteburuetan libre egongo da nahiz abonatuek nahiz erabiltzaileek erabiltzeko.
2.- Gimnasioa erabiltzeko, abonatuek ez dute kuotarik ordainduko, aldiz, erabiltzaileek instalazioetan sartzeko ezarrita dagoen kuota ordaindu beharko dute.
3.- Gimnasioa erabiltzeko, nahiz Erakunde Autonomiadunak antolatutako ikastaroetarako nahiz abonatuek eta erabiltzaileek libre erabiltzeko, nahitaezkoa izango da kirolerako jantzi egokiak erabiltzea, hau da, prakak, kamiseta edo txandala eta kirolerako oinetakoak. Erakunde autonomiadunaren ikastaroetarako erabiltzeko, ezinbestekoa da ikastaro horretan parte hartzeko zerrendetan izena emanda egotea.
· 9. ARTIKULUA.- IGERILEKUA, BERARIAZKO ARAUAK
1.- Barruko igerilekua zerbitzu orduetan egongo da irekita. Eskola orduetan igerian erakusteko ikastaroak emango dira. Udalerriko eskola publikoek izango dute lehentasuna, baina kanpokoek ere erabil dezakete hala eskatuz gero, Artezkaritza Batzordeak agindutako arauen arabera. Zerbitzu hori eskaintzen ari den bitartean, gutxienez igerilekuaren heren bat libre utzi beharko da abonatuek eta erabiltzaileek erabiltzeko.
2.- Eskolako eta helduen ikastaroak igerilekuko zerbitzuaren osoko programazioaren arabera zehaztuko dira.
3.- Eskolen ordutegian udalerriko ikastetxeak doan sartuko dira.
4.- Hilabete jakin batzuetan eta eskolen erabileraren eta eskarien arabera, Erakunde Autonomiaduneko gerentziak helduentzako eta hirugarren adinekoentzako igeriketa ikastaroak antolatu ahal izango ditu goizez eta arratsaldez.
5.- Ikastaro gehiago eskaini ahal izango dira udan irekita dagoen garaian, eskariaren arabera.
6.- Taldeei edo federazioei igerilekua une jakinetan lagatzeko, Erakundeko artezkaritza batzordeak egin beharko du, okupatzeko ezarritako arauen arabera.
7.- Barruko igerilekua erabiltzeko jarraipenak errespetatu egin beharko dira, bai araudi honetakoak bai artezkaritza batzordeak erabiltzaile, abonatu, ikastarogile... guztientzat onartutakoak, Erakunde Autonomiadunaren igerilekua erabiltzen badute.
8.- Derrigorrezkoa da:
- a) Gaixotasun kutsakorra, infekzioa edo zauriren bat dutenak ezingo dira igerilekuan sartu, ez direla kutsakorrak adierazten duen sendagilearen ziurtagiri ofiziala ez badute.
- b) Ezingo da kaleko arropa eta oinetakoekin egon igerilekuetako zerbitzu eremuetan.
- c) Txanoa eta bainujantzia erabili behar dira.
- d) Igerilekuan sartzerako dutxatu egin behar da eta itzultzen den bakoitzean ere bai.
- e) Aldagelak erabili behar dira janzteko eta eranzteko.
9.- Galarazita dago:
- a) Igerilekuko ura zikintzea, pixa egitea, etab. igerileku barrura edo kanpora edozein motako gauzak botatzea.
- b) Igerilekuko gunean 7 urtez beheko haurrak bakarrik egotea.
- c) Irratia, musika entzuteko tresnak edo antzekoak erabiltzea.
- d) Hegatsak, flotagailuak (mahukak izan ezik), urpekarien betaurrekoak, koltxonetak eta, oro har, erabiltzaileei traba egin diezaieketen beste trasteak erabiltzea, berariazko ikastaroetan ez bada.
· 10. ARTIKULUA.- ESTALITAKO KIROL ANITZEKO PISTA, ERABILTZEKO BERARIAZKO ARAUAK
1.- 1.- Astelehenetik ostiralera erabiliko da, biak barne, zerbitzu orduetan. Asteburu eta jaiegunetan kirol ikuskizunetarako erabili ahal izango da taldean jolasaren zentzu nagusian.
2.- Programak arautuko du udalerriko talde federatuei laga edo ez, eta Erakunde Autonomiadunaren erabilera ordutegia ere bai.
3.- Astelehenetik ostiralera, asteburu eta jaiegunetan libre erabiltzeko ordutegia edozein abonatuk edo erabiltzailek erreserba dezake, aurrez adierazitako araudiaren arabera.
4.- Kirol anitzeko pista abonatuek eta gabeek erabiltzeko kuotari dagokionez, sartzeko kuota aparte ordainduko dute.
5.- Kirol anitzeko pista erabiltzeko, kirolerako arropak eta oinetakoak erabili behar dira nahitaez.
· 11. ARTIKULUA.- BALIZKO BESTE ZERBITZUAK
· 12. ARTIKULUA.-
1.- Abonatuek eta erabiltzaileek aurreko artikuluetan ezarritako betebeharrak betetzen ez badituzte, arau-haustea egingo dute eta kapitulu honetan aurreikusitako zehapenak aplikatuko dira.
2.- Arau-hausteak larriak eta arinak izango dira.
· 13. ARTIKULUA.- ARAU-HAUSTE LARRIAK
1.- Instalazioak eta kirolerako materiala lapurtzea edo nahita narriatzea.
2.- Borrokak eta indarkeria fisikoa eragitea eta parte hartzea.
3.- Instalazioetan edozein animalia sartzea.
4.- Igerilekuko ura zikintzea, xaboia erabiltzea, etab. eta bertara edozein objektu botatzea.
5.- Instalazioetako arduradunei eraso fisikoak eta ahozkoak egitea.
6.- Erabiltzaileen gauzak lapurtu eta narraitzea.
· 14. ARTIKULUA.- ARAU-HAUSTE ARINAK
1.- Kirol instalazioen barruan erretzea.
2.- Instalazioak erabiltzeko arau espezifikoak ez betetzea
3.- Janaria, edariak, latak eta beirazko ontziak sartzea.
4.- Beste sexuari dagozkion espazioetan sartzea.
5.- Jolas eta kiroletarako eremuetatik kanpo jolasean eta kirolean aritzea.
6.- Instalazioak eta kirol materialak zikintzea, gaizki tratatzea eta listua botatzea.
7.- Pasiloetan korrika ibiltzea, instalazioetako funtzioamendu egokia ez errespetatzea oihuka, kantuan... jardunda. Gainerako erabiltzaileei errespetua faltatzea eta traba egitea.
8.- Instalazioetan ibiltzeko kirol arropa ez erabiltzea.
9.- Aldagela eta dutxetan txankletak ez erabiltzea.
10.- Erakunde Autonomiaduneko erantzuleen adierazpenei jaramonik ez egitea zerbitzuak eta instalazioak ongi erabiltzeari dagokionez.
11.- Araudi honetako galarazpenak, mugak eta betebeharrak ez errespetatzea.
· 15. ARTIKULUA.- ARAU-HAUSTEA ZEHAZTEA
1.- Arau-haustea zehazteko eta jarri beharreko zehapena erabakitzeko, elementu hauek izango dira kontuan.
- a) Nahita egin izana
- b) Zerbitzua asaldatu izana
- c) Instalazioetan, zerbitzuetan eta erabiltzaileen gauzetan eragindako kalteak.
- d) Behin eta berriro egitea.
- e) Parte hartze maila.
2.- Zehapen larriak aurrez zehapen espedientea bideratu ondoren jarriko dira. Zehapen arinetarako, ez da aurrez espedienta bideratu beharrik egongo, interesatuari audientzia izapide egin baino ez.
3.- Espediente zehatzailea tramitatzeko, Administrazio Prozeduraren Legeko IV. Izenburuko 2. kapituluan ezarritakoaren arabera egingo da.
· 16. ARTIKULUA.- ARAU-HAUSTE LARRIEN ONDORIOAK
Arau-hauste larrien kasuan, zehapen hauek ezar daitezke:
- 1.- Behin betiko kanporatu abonatu eta erabiltzaile gisa dituen eskubide guztiak galdu, baita kuotetako onura ekonomikoak ere. Etorkizunean ez da onartuko.
- 2.- Behin-behinean kanporatu, gehienez 6 hilabetez; eta aldi horretan abonatu edota erabiltzaile gisa dituen eskubideak galdu.
Arau-hauste larrien ondorioz instalazioetan galerak edo kalteak egonez gero, eragindako galera edo kalte hori konpontzearen ondoriozko zenbatekoa ere sartuko da zehapenean. Ez ordainduz gero, premiamendu bidez erreklamazioa jarri ahal izango da.
Arau-hauste eta zehapen larriak 4 urtera preskribatzen dira.
· 17. ARTIKULUA.- ARAU-HAUSTE ARINEN ONDORIOAK
Arau-hauste arinen ondorioz, zehapen hauek ezarriko dira:
- 1.- Gehienez 15 egunerako kaleratu eta epe horretarako abonatu txartela kendu.
- 2.- Erabiltzaileak gehienez 15 egunerako kanporatu eta sartzeko baimena kendu.
- 3.- Ohartarazpena eta agiraka publikoa edo pribatua.
Arau-hausteen ondorioz instalazioetan galerak edo kalteak egonez gero, eragindako galera edo kalte hori konpontzearen ondoriozko zenbatekoa ere sartuko da zehapenean. Ez ordainduz gero, premiamendu bidez erreklamazioa jarri ahal izango da.
Hiru hilabetean hiru arau-hauste arin eginez gero, 16. artikuluko 2. puntuko arau-hauste larri bat egingo da. Arau-hauste arinak 15 egunera preskribatzen dira.